Caerdydd Ffynnon Taf

1) Cynghorydd Rodney Berman

Dewiswyd y Cynghorydd Rodney Berman yn ymgeisydd rhif un ar restr y Democratiaid Rhyddfrydol Cymreig ar gyfer etholaeth Caerdydd Ffynnon Taf yn dilyn pleidlais gan aelodau lleol y blaid.

Mae Rodney Berman yn Gynghorydd yng Nghaerdydd dros Benylan ac fe wasanaethodd fel Arweinydd Cyngor Caerdydd am wyth mlynedd rhwng 2004 a 2012, cyfnod lle gwelwyd cynnydd sylweddol yn y gyfradd ailgylchu ac yn y cyllid a roddwyd i ysgolion. Mae’n falch o fod wedi derbyn OBE am ei wasanaeth i lywodraeth leol a’r gymuned yng Nghaerdydd yn 2013. Ar hyn o bryd mae’n arwain Grŵp y Democratiaid Rhyddfrydol ar Gyngor Caerdydd.

Mae Rodney wedi byw yng Nghaerdydd am y rhan fwyaf o’i fywyd ers cymryd swydd ymchwil ym mhrifysgol yn y 1990au cynnar.

Yn gweithio ym maes polisi iechyd ar hyn o bryd, cynrychiolodd Rodney fuddiannau meddygon yn ystod Covid-19, ac erbyn hyn mae’n eu cynorthwyo i ddylanwadu ar bolisi iechyd Cymru ac i ymladd dros delerau ac amodau gwell o wasanaeth. Mae’n frwd dros leihau anghydraddoldebau iechyd.

Facebook: https://www.facebook.com/rodneybermanwld

X (gyntTwitter): https://x.com/rodneyberman

2) Nick Beckett

Yn broffesiynol, mae Nick yn gweithio fel Ymgynghorydd TG a Busnes, gan helpu sefydliadau i wella eu gweithrediadau drwy ddefnyddio technoleg yn ymarferol. Gyda phrofiad o wahanol fathau a maint o fusnesau, mae ganddo ddealltwriaeth gynhwysfawr o’r problemau a wynebir a’r effaith ddifrifol y gall methiannau llywodraethol ei chael ar bob sector.

3) Joe Carter

Mae Joe Carter wedi bod yn gynghorydd yng Nghaerdydd ers 2004, gan gynrychioli cymuned Pentwyn a Llanedeyrn. Mae’n ddirprwy arweinydd grŵp y Democratiaid Rhyddfrydol yn yr wrthblaid ar y cyngor ac yn llefarydd ar faterion cyllid.

Mae’n angerddol am yr amgylchedd, trafnidiaeth a thai – gan wrthwynebu system ailgylchu rannu Llafur, sydd wedi cynyddu sbwriel, yn galw am fwy o fuddsoddiad mewn bysiau, ac yn cefnogi trigolion lleol i gael eu cartrefu.

Mae’n seiclwr brwd ac yn gyn-gadeirydd ar gwmni Bws Caerdydd.