Diweddwch Lladrad Mawr Trafnidiaeth Cymru

Mae’r Blaid Geidwadol – a nawr y Blaid Lafur – wedi dwyn biliynau o bunnoedd o gyllid trafnidiaeth gyhoeddus oddi ar Gymru dros nifer o flynyddoedd.

Dylai Cymru fod yn cael o leiaf £5 biliwn i’w fuddsoddi mewn trafnidiaeth gyhoeddus o ganlyniad i brosiectau fel HS2 a Rheilffordd Dwyrain-Gorllewin sy’n cael eu hadeiladu yn Lloegr. Ond mae llywodraethau’r DU, dan y Torïaid ac yn awr dan Lafur, wedi dewis dosbarthu’r prosiectau hyn fel rhai “Lloegr a Chymru” – sy’n golygu na fydd Cymru’n derbyn dim o’r cyllid.

Fe allai unrhyw un yng Nghymru dystio i ba mor wael yw ein system drafnidiaeth gyhoeddus. Eto i gyd, mae’r hen ddwy blaid yn benderfynol o’n hatal rhag cael y modd i’w gwella. Mae hyn nid yn unig yn ei gwneud hi’n anoddach i deuluoedd bob dydd, ond hefyd yn troi busnesau i ffwrdd rhag buddsoddi yng Nghymru.